Нашиот херојски секојдневен придружник

Во нашите секојдневни животи, нашите тела се изложени на бројни агенси од нашето опкружување. Благодарение на високоинтелигентните одбранбени системи на нашите тела, повеќето од нив се безопасни за нашиот имунолошки систем.

Составен од низа заштитни механизми, имунолошкиот систем е секогаш во акција, работи во заднина за да нè чува безбедни, без ние дури и да забележиме. Иако основата е поставена во првите 1000 дена од нашите животи, таа продолжува да учи и созрева со нас во текот на зрелоста и сите животни настани што доаѓаат со неа.

Имунолошкиот систем за време на бременоста

За време на бременоста, телото на жената е во постојана состојба на флукс, како и нејзиниот одбранбен систем. Од самиот почеток, имунолошкиот систем на идната мајка треба да балансира два спротивни импулси.

Додека телото на жената сега носи „туѓо тело“, од ова тело исто така се бара и да го заштити овој нов живот. Ова претставува постојано напред и назад за имунолошкиот систем, кој сега треба да ги балансира овие две навидум спротивни потреби. Студиите исто така покажаа дека за време на бременоста мајката му пренесува антитела на своето неродено дете. Значи, особено е важно да се грижиме за имунолошкиот систем во ова време, на пример со намалување на стресот и јадење урамнотежена исхрана, како кај мајката, така и кај детето.

Што можеме да сториме за нашиот имунолошки систем?

Бројни фактори можат да влијаат врз нашиот имунолошки систем. Начинот на живот обично игра главна улога.

Стресот, недоволното спиење, прекумерното вежбање и неурамнотежена исхрана, сите овие можат негативно да влијаат врз имунолошкиот систем. Антибиотскиот третман исто така може да влијае врз имунолошкиот систем бидејќи антибиотиците не прават разлика помеѓу различните типови бактерии, уништувајќи ги исто така и ендогените бактерии, што може да влијае врз микробиотот на цревата. Значи, добра е идејата да се надоплони микробиотот во цревата изгубен за време на примањето антибиотици, на пример со земање производи на млечно киселинска бактерија како што е Limosilactobacillus reuteri Protectis.

Ве молиме консултирајте се со вашиот лекар кога не се чувствувате добро за да ја елиминирате можноста од други причинители.

Дали имунолошкиот систем се менува со возраста?

Стареењето е процес што не можеме да го запреме, а тоа влијае и врз нашиот имунолошки систем. Не само кожата, што е една од нашите клучни бариери за одбрана, туку и функцијата на органите и клетките, исто така започнуваат да се менуваат и забавуваат со текот на годините.

Бидејќи стареењето влијае врз целото тело, може да доведе и до пониска ефикасност на имунолошкиот систем, кој веќе не може да се бори против туѓите клетки толку ефикасно. Ова значи дека поддршката за имунолошкиот систем станува особено важна при постара возраст. Покрај здрав начин на живот, производите со млечно киселински бактерии како што е Limosilactobacillus reuteri Protectis помагаат во поддршката на микробиотата во цревата.

Како можеме да ги поддржиме нашите имунолошки системи?

Иако основата на нашиот имунолошки систем е поставена во детството, како возрасни ние сè уште можеме да сториме многу за да ја поддржиме неговата функција и да ја одржиме формата и бидеме здрави.

10 едноставни трикови за поддршка на имунолошкиот систем:

  • Грижете се за вашите црева
  • Доволно вежбајте
  • Излегувајте на свеж воздух
  • Јадете разновидна исхрана и пијте 2 литри или повеќе течности на ден (вода би било најдобро)
  • Намалете го стресот
  • Вежбајте позитивно размислување и смејте се повеќе!
  • Доволно спијте
  • Туширајте се наизменично со топла/ладна вода
  • Намалете го ризикот од инфекција (на пример, со редовно миење на рацете)
  • Уживајте во сонцето, но избегнувајте изгореници од сонце

Предупредување!

Информациите за нашите производи дадени на нашата интернет страница се само краток опис за особините на граничните производи и нивното индикационо поле. За стручно и професионално мислење Ве молиме консултирајте се со Вашиот лекар или фармацевт. Податоците на оваа оваа интернет страница служат само за информирање и истите не се наменети за промоција или рекламирање.