Болки во грлото

Устата е порта кон телото

Внатре во нашата уста, има огромна разновидност на различни бактерии, вируси и габи, што се нарекува орална флора или орален микробиом. Иако едвај или воопшто не е видлив, тој е првата линија на одбрана на Вашето тело, а исто така втора по големина и најразновидна флора по цревната флора.

Тоа е навистина сложена заедница: со околу 770 различни видови бактерии, вируси и габи кои живеат таму. Во нормални услови, тие функционираат заедно и формираат заштитна бариера против патогени. Устата е неопходна за голтање, варење и говор, а заедно со носната шуплина игра и клучна улога во дишењето.

Грлото - важно за дишење и варење

Микробиомот на грлото е двоен премин и за дишење и за варење. Тој е главен и високо доверлив чувар против инфекции на респираторниот тракт. Неговата состојба, исто така, ја одредува зачестеноста и сериозноста на болестите како што се фарингитис и тонзилитис.

Додека оралниот микробиом, кој има силно и директно влијание врз целокупното здравје и благосостојба, може да биде вклучен во различни состојби во устата, микробиомот на грлото служи како индикатор за респираторното здравје и игра важна улога во целокупниот имун одбранбен систем на телото. Затоа, сигурно се согласувате дека вреди да се поддржи микробиомот на устата и на грлото.

Болката во грлото често е придужена и со други симптоми

Кога ќе се настинеме, често имаме болки во грлото. Тоа е претежно бактериска или вирусна инфекција на горниот респираторен тракт. Ова е убедливо најчеста болест кај децата од предучилишна возраст.

Настинката или воспаленото грло може да ги погоди малите деца до 6-8 пати годишно, бидејќи нивниот имунолошки систем не е целосно развиен, а возрасните во просек чувствуваат вакви непријатности 2-3 пати годишно. За жал, таквата инфекција може лесно да се прошири во заедниците или семејствата поради близок контакт и заеднички простории. И, се разбира, болките во грлото често не се појавува сама: таа е придружена со други симптоми како треска, кашлица, течење на носот, кивање, а понекогаш и тешкотии при голтање. Сето ова се случува затоа што микробиомот на усната шуплина и грлото не е во рамнотежа.

Бидејќи 70% од обичните настинки се предизвикани од вируси, антибиотиците честопати се неефикасни, непотребни, па дури и можат да направат штета. Меѓутоа, ако лекарот Ви препише терапија со антибиотици, Ве молиме следете ги сите упатствата.

Практични совети за бебиња

Покрај професионален совет од Вашиот лекар, постојат некои мерки за олеснување на симптомите на вашето малечко во случај на болки во грлото или настинка. За жал, не постои чудотворен лек. Сепак, постојат неколку работи што можете да ги направите.

Не оставајте го вашето дете предолго само и дајте му малку поголемо внимание од вообичаено.
Одете надвор заедно по половина час дневно. Свежиот воздух е добар за иритираните мукозни мембрани.
Одморот е неопходен, спиењето е најдобриот лек.
Редовно проветрувајте ја просторијата на вашето малечко за да не се исуши воздухот.
Давајте на Вашето дете почесто течности - вода или незасладен чај - по можност на секои половина час. Ако доите, правете го тоа почесто. Течноста помага слузта да стане помалку вискозна и спречува појава на дехидрација, особено во случај на треска.
Грижете се Вашиот мал истражувач да е адекватно облечен и во согласнсот со времнските услови за да спречите настинка. Студот ја намалува отпорноста на мукозните мембрани на патогените и настинката во тој случај може да се развие побрзо.

Како да се ублажат симптомите на настинка кај деца и возрасни

Прво, Ве молиме појаснете дали е потребна медицинска помош. И, ако сте настинати или некој друг околу вас е болен, обидете се да го минимизирате контактот што е можно повеќе.

Физичкиот одмор и за телото и за гласот може да биде корисен. Обидете се со исправена положба, можеби ќе Ви биде полесно да дишете.
Топли стапала: ставете ги стапалата во топла бања-чувството е прекрасно.
Навлажнете го воздухот за да спречите да стане премногу сув.
Хидратација и топли чаеви – жалфија, камилица и мајчина душица се ефективни билки со природни антимикробни ефекти. Зовријте вода и оставете го чајот да кисне според упатството, а потоа пијте неколку шолји дневно.
Понудете топли чорби, на пример, пилешка супа, користете зеленчукова супа за вегетаријанци или вегани.
Овесната каша лесно се голта и се вари, а добра опција е кога Ве боли грлото.
Миењето раце и фрлањето на искористените марамчиња во отпад,правилното миење на искористените садови, крпите или четките за заби помага да се одржи соодветна хигиена.
Доколку Вашето бебе е на 6 месечен возраст или постаро пробајте со BioGaia Pharax кој содржи L. reuteri ATCC PTA 5289 и L. reuteri DSM 17938 (Protectis).Овој пробиотски производ придонесува за избалансиран состав на оралниот микробиом и грлото за време на акутната фаза и витамин Д кој придонесува за нормална имунолошка функција.